„Við hjá Búseta hsf. og Alverki ehf. höfum átt traust og gott samstarf við GG-verk, nú síðast í hinu metnaðarfulla Smiðjuholtsverkefni Búseta. Framkvæmdin í Smiðjuholti er krefjandi fyrir alla þá sem að henni koma. Í verkefninu sá GG-verk um uppsteypu ásamt stjórnunarverktöku að hluta til. Tímaáætlanir varðandi framvindu verksins hafa gengið upp og kostnaðarrammi staðist. Kröfur okkar um verkgæði hafa og verið uppfylltar. Hjá GG verki er mikil reynsla og mikill mannauður. Mun ég óhikað leita samstarfs við fyrirtækið í framtíðinni."

Aðalgeir Hólmsteinsson, framkv.stj. Alverks ehf.

"Við hjá GKG erum mjög sátt með alla aðkomu GG verks að byggingu Íþróttamiðstöðvarinnar. Við unnum eftir metnaðarfullum áætlunum sem stóðust og þau frávik sem upp komu á leiðinni voru leyst með faglegum hætti. Þá verðum við að róma GG verk fyrir eindæma snyrtimennsku á meðan byggingunni stóð sem gerði það að verkum að allt rask vegna framkvæmda var lágmarkað."

Agnar Már Jónsson, framkvæmdastjóri GKG

„Við hjá Búseta hsf. höfum átt gott samstarf við GG-verk í sambandi við byggingu 18 búseturéttar íbúða við Austurkór í Kópavogi. Framkvæmdin við Austurkórinn er metnaðarfull og krefjandi fyrir þá sem að henni koma. GG-verk er aðal- og stýriverktaki í Austurkór og hafa tímaáætlanir er varða framvindu verksins gengið upp og kostnaðarrammi staðist. Kröfur okkar um verkgæði hafa ennfremur verið uppfylltar. Í fyrirtækinu er mikill mannauður sem vel tekst að samhæfa og virkja til góðra verka.  Sjáum við fram á að eiga áframhaldandi samstarf við fyrirtækið í framtíðinni."

Aðalgeir Hólmsteinsson, verkefnastjóri framkvæmda hjá Búseta hsf.

"Við hjá Stólpum höfum átt gott samstarf með GG Verk en þeir eru nú á lokametrunum við að byggja fyrir okkur 30 íbúðir og bílakjallara við Hrólfskálamel á Seltjarnarnesi. Þeir hafa séð um stýriverktöku í verkefninu og hafa bæði uppfyllt tímaramma og kostnaðaráætlun verkefnisins. Það er gott að vinna með stjórnendum GG Verk, þeir eru liprir og lausnamiðaðir og við viljum gjarnan sjá áframhaldandi samstarf í framtíðinni."

Jón Helgi Erlendsson, Stólpar ehf.